हम छी मरचाय अहाँ अंगूर

जखन  पहिरलहुँ  हमर  सेनूर।

ओतबे करब जे कहबय हुजूर।।

चाहे जत्तेक हँसय समाज, कियै करब हम किनको लाज। 

अहाँक  इच्छा  सँ  करबय, घर - बाहर  केर सबटा काज।

सब दिन भेटत सुख भरपूर। 

ओतबे करब जे  -----

राखब सदिखन अहाँक ध्यान, सब दिन सेवा एक समान। 

पढ़ल - लिखल तऽ छी हमहुँ, मुदा अलोपित सबटा ज्ञान। 

अहाँ जूही चम्पा हम छी खजूर। 

ओतबे करब जे -----

आपस मे कोमल व्यवहार, सुखमय जीवन के आधार। 

अहाँ खुशी जौं  हमरा सँ, होयत सुमन  पर ई उपकार।

हम छी मरचाय अहाँ अंगूर। 

ओतबे करब जे  -----