महादेव! भगवानक भगवान।
मृत्यु - भुवन सँ देवलोक तक, सभक करथि कल्याण।।
महादेव! भगवानक भगवान।
कखनो छथि कैलाश बसल वो, कखनो जाऽ शमशान।
कत्तऊ रहथि पर राखथि हरदम, दुखियारी के ध्यान।।
महादेव! भगवानक भगवान।
दुनिया केर कल्याणक खातिर, कालकूट - विष पान।
ताप शमन लय साँप गला मे, गंगा सिर पर चान।।
महादेव! भगवानक भगवान।।
पूजा - पाठ सहज शंकर केर, बेसी कहाँ विधान।?
चरण मे अर्पित नोर सुमन सँग , दियऽ शरण स्थान।।
महादेव! भगवानक भगवान।
No comments:
Post a Comment