अप्पन अप्पन काज बिसरलहुँ
सच पूछू तऽ लाज बिसरलहुँ
सिखलहुँ लूरि जीबय के जतय
कियै ओहेन समाज बिसरलहुँ
छूटल अरिपन, सोहर सब किछु
लागल एहेन रिवाज बिसरलहुँ
सासुर मे छल खूब रईसी
घर मे नखरा-नाज बिसरलहुँ
मन गाबय छल गीत मिलन के
सुर के सँग मे साज बिसरलहुँ
संस्कार के बात करी नित
जीबय के अन्दाज बिसरलहुँ
चुप रहलहुँ अन्याय देखिकय
सुमन हृदय आवाज बिसरलहुँ
दुनियाँ में हम ही हम
ReplyDeleteफर्ज अपना भूल गए
नहीं किसी से शर्म
यही समझ में आया