कान्हा! फागुन मास सुहावन।
ठंढ, गरम समतूल एहेन जे, पल पल लागै पावन।।
कान्हा! फागुन -----
हरियर लता, गाछ पर सगरो, नव-पल्लव के छाजन।
रंग - बिरंगक पुष्प सुगंधित, जहिना चन्दन कानन।।
कान्हा! फागुन -----
होरी खेलय दूर देश सँ, सभहक आबय साजन।
हमरो प्रीतम सम्भव औता, कौवा कुचरै आँगन।।
कान्हा! फागुन -----
तन मन वास मदन के एहेन, सब लागय मनभावन।
दूर सुमन जे पिया सँ हुनके, आंखि सँ बरसै सावन।।
कान्हा! फागुन -----
No comments:
Post a Comment